Ende është duke vazhduar bastisja që nisi mëngjesim e sotëm nga Zyra e Prokurorit të Specializuar në shtëpinë e Ismail Sylës, ish-këshilltar i ish-presidentit Hashim Thaçi.
Gazetarja e Tëvë 1 që po qëndron atje, Fetije Kamberi bën të ditur se para pak çastesh ka ardhur djali i Sylës dhe ka deklaruar se “se nuk asnjë informacion dhe nuk e di se çfarë është duke ndodhur”.
Ditëve të fundit ka pasur bastisje edhe te ish-këshilltarët tjerë të ish-presidentit Thaçi, Artan Behrami, Blerim Shala dhe Bashkim Smakaj.
Pas bastisjes që u bë dje në banesën e ish-këshilltarit Behrami, avokati Artan Qerkini tha se ky i fundit nuk është i dyshuar, por hetuesit e Prokurorisë së Specializuar të Hagës kryen bastisje në shtëpinë e tij në përpjekje për të siguruar prova për rastet që po gjykohen në Speciale. /Teve1.info/