Një djalë në Isniq të Deçanit dyshohet se ka goditur babain e tij më sëpatë në Deçan.
Policia e Kosovës ka njoftuar se personi i sulmuar ka pësuar lëndime dhe është dërguar në Spitalin e Pejës.
Zëdhënësi i PK-së për rajoni e Pejës, Fadil Gashi ka thënë se rasti ka ndodhur rreth orës 15:35 dhe i dyshuari ende nuk është arrestuar.
“Policia ka dalë në vendin e ngjarjes për sigurim, pas trajtimit në QMF është udhëzu për në Pejë, është edhe prokurorja e shtetit që ka kontaktu viktimën aty, dhe është njoftuar me lëndimet. Është urdhëruar rasti të trajtohet sektori i hetimeve rajonale, krimet serioze. Nuk ka ende person të arrestuar”, tha ai për teve1.info.
Ndërsa, për rastin është deklaruar edhe Prokuroria Themelore e Pejës.
“Prokurorja e krimeve të rënda, ka autorizuar Policinë e Kosovës, për lokalizimin dhe arrestimin e personit i cili dyshohet për veprën penale, vrasje ne tentative”, ka thënë Shkodran Nikçi, zëdhënës i Prokurorisë.
