Sot, është shpallur ditë zie shtetërore për nder të policit Afrim Bunjaku, i cili u vra dje në orët e para të mëngjesit nga një sulm i përgatitur nga një grup kriminal, në fshatin Banjskë të Zveçanit.
Vendimi është marrë nga presidentja e Kosovës, Vjosa Osmani, e cila tha se zija shtetërore do të jetë gjatë gjithë ditës së hënë.
“Presidentja e Republikës së Kosovës, Vjosa Osmani, në mbështetje të Kushtetutës së Kosovës, ka marrë vendim që dita e hënë, 25 shtator 2023, të shpallet ditë zie, shtetërore në nderim të policit Afrim Bunjaku, i vrarë në veri të vendit. Zija shtetërore do të jetë gjatë ditës së hënë, ndërkaq Protokolli i Shtetit ngarkohet që t`i ndërmarrë të gjitha veprimet e nevojshme për zbatimin e këtij vendimi”, thuhet në njoftimin e djeshëm të Presidencës./teve1.info/
