Në Ditën Ndërkombëtare të Zjarrfikësve, kryetari i Aleancës për Ardhmërinë e Kosovës, Ramush Haradinaj ka falënderuar zjarrëfikësit për përkushtimin e tyre në shërbim të vendit.
Haradinaj i ka quajtur krenari të shtetit, ndërsa ka thënë se pavarësisht kushteve të rënda ata kanë vullnet dhe angazhim që çdo ditë t’iu shërbejnë qytetarëve.
“Krenaria e shtetit tonë janë zjarrfikësit. Mes kushteve të rënda dhe pa mbështetje që i la qeverisja e fundit, ata megjithatë kanë vullnet dhe angazhim që çdo ditë t’ju shërbejnë qytetarëve.Ne i falënderojmë për përkushtimin që gjithmonë e patën në shërbim të vendit”, ka shkruar ai në Facebook.
4 maji njihet si Dita Ndërkombëtare e Zjarrfikësve dhe i kushtohet nderimit të trimërisë, angazhimit dhe sakrificave të zjarrfikësve që rrezikojnë jetën e tyre për të mbrojtur të tjerët.
Kjo ditë u themelua në vitin 1999, pas vdekjes tragjike të pesë zjarrfikësve në një zjarr të madh në shtetin Victoria të Australisë./teve1.info/
