Dita Ndërkombëtare e Përgatitjes për Epideminë thekson nevojën urgjente për të investuar në sisteme që mund të parandalojnë, zbulojnë dhe reagojnë ndaj shpërthimeve të sëmundjeve infektive.
Më 2020, Asambleja e Përgjithshme e OKB shpalli 27 dhjetorin si Dita Ndërkombëtare e Përgatitjes për Epideminë, në përpjekje për të siguruar që të merren mësime nga COVID-19 për krizat e ardhshme shëndetësore.
Kjo ditë u shpall një vit pasi COVID-19 u shfaq në Wuhan në fund të 2019-ës dhe u përhap në të gjithë botën duke prekur dhe shkaktuar vdekjen e miliona njerëzve.
Sëmundjet dhe epidemitë e mëdha infektive kanë ndikime shkatërruese në jetët e njerëzve, duke shkaktuar kërdi në zhvillimin afatgjatë social dhe ekonomik.
Krizat globale shëndetësore kërcënojnë të mposhtin sistemet shëndetësore tashmë të tejzgjatura, të prishin zinxhirët globalë të furnizimit dhe të shkaktojnë shkatërrim jo-proporcional të jetesës së njerëzve, përfshirë gratë dhe fëmijët, dhe ekonomitë e vendeve më të varfra dhe më të cenueshme.
Organizata Botërore e Shëndetësisë luan rol kryesor në koordinimin e reagimeve ndaj epidemive, dhe në mbështetjen e përpjekjeve kombëtare, rajonale dhe ndërkombëtare për të parandaluar, zbutur dhe adresuar ndikimet e sëmundjeve infektive e epidemive në përputhje me qëllimin për avancimin e Agjendës 2030.
Shtetet anëtare të OKB-së angazhohen të sigurojnë pjesëmarrje gjithëpërfshirëse, të barabartë dhe jo-diskriminuese, me vëmendje të veçantë për ata që janë të prekshëm ose në situata të pambrojtura me shanset më të larta të infeksionit epidemik.
