Presidentja e Kosovës, Vjosa Osmani ka thënë se nuk do të ndalen së kërkuari drejtësi për zhdukurit me forcë gjatë luftës në Kosovës.
Ajo në Ditën Kombëtare të të Zhdukurve me Forcë, ka thënë se Serbia është fajtore dhe se përgjegjësit janë atje.
“Në Ditën Kombëtare të të Zhdukurve me Forcë, kujtojmë mbi 1600 qytetarë tanë – nëna, baballarë, fëmijë – që ende mbeten të zhdukur nga lufta gjenocidale e Serbisë. E dimë kush është përgjegjës. E dimë ku qëndrojnë përgjigjet. Dhe kurrë nuk do të ndalojmë së kërkuari drejtësi për çdo jetë të vjedhur, çdo të vërtetë të fshehur, çdo varr të mbuluar”, ka shkruar Osmani në Twtter.
