Operacioni për vrasjen e Osama bin Laden ka pasur një jehonë të madhe në historinë amerikane.
Së fundi janë publikuar disa fotografi nga biblioteka Presidenciale e Obamës, pas një kerkesë nga “The Washington Post”.
Aty janë shfaqur pamje gjatë kohës së planifikimit të operacionit dhe tensioneve në mes anëtarëve më të lartë të qeverisë, ku përfshihet edhe presidenti Obama dhe ai i tanishëm, Joe Biden.
Më 29 prill 2011, Obama autorizoi bastisjen në kompleksin në Abbottabad, Pakistan. Raportet e inteligjencës kanë treguar se ishte vendndodhja e mundshme e bin Ladenit, themeluesit të Al-Kaedës që organizoi sulmet e 11 shtatorit 2001 në Shtetet e Bashkuara që vranë më shumë se 3000 njerëz.
Për shkak të parashikimeve të motit dhe mungesës së dritës së hënës, zyrtarët e inteligjencës caktuan datën të dielën, 1 maj.
Osama bin Laden u vra nga forcat speciale amerikane jashtë një teatri lufte në një mjedis urban të rregulluar mirë në Abbottabad, Pakistan.
