Sot (e shtunë) pritet të zhvillohet dy ndeshje interesante në kuadër të xhiros së tetë në Albi Mall Superligën e Kosovës.
Xhiro e tetë e Superligës së Kosovës fillon sot me dy ndeshje të forta, teksa janë programuar edhe dy takime për të dielën dhe një për të hënën.
Ndeshja kryesore e javës padyshim se është ajo e ditës së sotme mes liderit Prishtinës dhe ndjekësit më të afërt, Ballkanin, të vendit të dytë.
Kryeqytetasit janë nikoqir të therandasve në ndeshjen që pritet të zhvillohet në Kampin Nacional në Hajvali, me fillim nga ora 15:00.
Në ndeshjen tjetër, Malisheva e pret Llapin në stadiumin Liman Gegaj, në orarin e njëjtë sikurse ndeshja e parë.
Të dy ekipet vijnë nga një fitore dhe synojnë të vazhdojnë formën pozitive.
