E krejt kjo erdhi pas arrestimit të ish-pjestarit të policisë, Dejan Pantiq i cili u arrestua më 10 dhjetor në pikëkalimin kufitar në Jarinjë në veri të Kosovës.
Ai po dyshohet se “ka organizuar sulmin terrorist” ndaj zyrtarëve të Komisionit Qendror të Zgjedhjeve në veri të vendit më 6 dhjetor, shkruan teve1.info
Ndërsa serbët lokal po më 10 dhjetor ngritën barrikadat në Leposaviq, Zveçan dhe Zubin Potok.
E Policia e Kosovës për arsye sigurie kanë mbyllur pikëkalimet kufitare në Jarinje dhe Bërnjak.
Po ashtu edhe shkollat në veri të vendit të hënën janë mbyllur e të cilat nuk do të punojnë deri në njoftimin e rradhës për shkak të situatës aktuale të sigurisë.
Gjatë këtyre ditëve janë sulmuar disa gazetarë, Policë të Kosovës dhe patrulla e EULEX-it.
Për këto sulme ka pasur edhe reagime të shumta.
Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell të hënën ka thënë se këto sulme janë të papranueshme, teksa ka shtuar se të Kosova dhe Serbia po përpiqen për de-përshkallëzim.
Ndërsa, largimin e këtyre barrikadave e kanë kërkuar Shtetet e Bashkuara dhe Bashkimi Evropianë dhe kanë dënuar sulmet ndaj Policisë së Kosovës dhe EULEX-it, që kanë ndodhur ditëve të fundit, raporton teve1.info
Edhe Britania e Madhe po ashtu ka deklaruar se pret që të hiqen barrikadat ilegale.
Ndërsa presidenti i Serbisë, Aleksandër Vuçiç njoftoi se më 15 dhjetor do t’i drejtohen Komandantit të KFOR-it për kthimin e 1 mijë trupave serbe në Kosovë, duke u thirrur në Rezolutën 12/44.
Për këtë deklaratë kanë ardhur menjëherë reagime.
Ku raportuesja për Kosovën në Parlamentin Evropian, Viola von Cramon ka thënë se kërkesa e Serbisë për kthimin e ushtarëve është e papranueshme.
Ndyshe, sot në Kosovë po qëndron i dërguari i posaçëm të Shteteve të Bashkuara të Amerikës për Ballkanin Perëndimor, Gabriel Esobar i cili të hënën ka pasur takime me krerët e shtetit të Kosovës ku ka diskutuar për zhvillimet në veri, ndërsa i njëjti pritet që sot të ketë takime me krerët e opozitës./teve1.info
