E krerët e shtetit, sot kanë vizituar kazermën “Adem Jashari” në kryeqytet për nder të ditës së themelimit të Forcës së Sigurisë së Kosovës. Për “Ditën e Forcës”, presidentja e vendit, Vjosa Osmani dhe kryeministri Albin Kurti i panë disa nga mjetet e ushtrisë kosovare. Përveç kësaj, ata takuan edhe shumë qytetarë nga anë e mbanë Kosova.
E hëna e 27 shtatorit, shënoi ditë feste në kazermën “Adem Jashari” në kryeqytet.
Në këtë ditë, është përvjetori i themelimit të Forcës së Sigurisë së Kosovës.
E në “Ditën e Forcës” në këtë kazermë erdhën krerët e shtetit.
E para e shtetit, Vjosa Osmani në krah me kryeministrin e vendit, Albin Kurti dhe ministrin e Mbrojtjes Ejup Maqedoncin, po i shohin disa nga mjetet e FSK-së.
Përveç ushtarëve, gjatë ecjes së tyre në këtë kazermë takuan edhe qytetarë të të gjitha moshave.
Mirëpo, fokusi ishte në mjetet dhe armët e ekspozuara.
Për funksionet e tyre po u tregojnë ushtarët.
Për Osmanin, ushtarët e Kosovës janë të trajnuar sipas standardeve të NATO-s.
E pikërisht në shënimin e kësaj dite, kryeministri Kurti tha se do të shtohet buxheti për ushtrinë.
Për Ditën e Forcës, kazermat e Forcës së Sigurisë së Kosovës ishin të hapura për të gjithë qytetarët.
