Kryeministri i Kosovës, Albin Kurti, sot do të marrë pjesë në ditën e dytë të Forumit të Paqes, në Paris.
Kryeministri do të zhvillojë një diskutim në kuadër të temës “Krijimi i paqes dhe ndërtimi i një bote më të sigurt”.
Sipas komunikatës së Zyrës së Kryeministrit, diskutimi nis në orën 10:00.
“Në ditën e dytë të Forumit të Paqes, duke filluar prej orës 10:00, Kryeministri i Republikës së Kosovës, Albin Kurti do të zhvillojë një diskutim në kuadër të temës “Krijimi i paqes dhe ndërtimi i një bote më të sigurt”, i cili do të moderohet nga Pascal Boniface, Drejtor i Institutit francez për Çështje Ndërkombëtare dhe Strategjike (IRIS)”, thuhet në komunikatë./teve1.info/
