Distria në finale, lufton për të artën!

Distria Krasniqi e kërkon medaljen e artë në ngjarjen e dytë më të madhe të vitit në xhudo.

Distria është kualifikuar në finale të Mastersit në Jerusalem. Ajo në gjysmëfinale të kategorisë deri 52 kilogramë e mposhti hungarezen Reka Pupp. Hungarezja pësoi tri dënime dhe kështu Distria fitoi me Ippon.

Në fakt xhudistja kosovare ka dominuar plotësisht. Ka realizuar dy hedhje, por pa pikë të fituara për shkak të zhdërvjelltësisë së Puppit. Në finale Distria takohet me britaniken Chelsie Giles.