Distria Krasniqi ka kaluar në finale të Kampionatit Evropian të xhudos, atje ku do të përballet me italianen Odette Giuffrida.
Evropiani po mbahet në Podgoricë, ndërsa Krasniqi është kualifikuar në finale të kategorisë deri në 52 kilogramë.
Distria shënoj tri fitore, fillimisht duke e mposhtur serben Milica Nikoliq. Më pas holandezen Naomi Van Krevel e në gjysmëfinale spanjollen Ariane Toro Soler.
Giuffrida është prej legjendave të kategorisë deri 52 kilogramë. Pak javë më parë ishte në një kamp në Pejë.
Distria e Giuffrida janë përballur plot 11 herë. Xhudistja kosovare ka shtatë fitore, ndërsa katër i ka fituar italiania. Distria në fakt kishte humbur tri luftërat e para me Giuffridan, që është kampione në fuqi e botës. Më pas e mposhti tri herë rresht, pësoi një humbje dhe sërish është në seri prej tri fitoreve.
Distria ndaj Giuffridas fitoi në finalen e Evropianit të kaluar e po ashtu në gjysmëfinale të Lojërave Olimpike në Paris.
E kishte mposhtur edhe në gjysmëfinale të Evropianit 2023.
