Diskoteka” Gate Club” në Prishtinë është përfshirë nga zjarri.
Zëvendëskomandanti i Brigadës së Zjarrfikëseve, Abdusamed Shkodra për teve1.info ka thënë se zjarri tashmë është lokalizuar dhe nuk ka persona të lënduar.
Tutje ai tha se zjarrfikësit kanë lokalizuar që zjarri të mos përhapët edhe në objektet përreth.
“Jemi njoftuar diku rreth orë 05:24 për zjarrin që ka kapluar diskotekën “Gate Club” në zonën industrial. Zjarrfikësit kanë intervenuar menjëherë dhe kanë arritur që ta lokalizojnë zjarrin. Rreziku është larguar dhe po punohet në fikjen e tërësishme të zjarrit. Nuk ka persona të lënduar fatmirësisht”, ka deklaruar ai.
Rasti është konfirmuar edhe nga Policia.
“Rreth orës 05:15, është pranuar informata se në rrugën “Epiri” në Prishtinë, një lokal është përfshirë nga zjarri. Policia menjëherë ka dalë në vendin e ngjarjes dhe ka ftuar edhe zjarrfikësit me qëllim të lokalizimit të zjarrit. Deri më tani nuk raportohet për të lënduar përveç dëmeve materiale. Zjarri ka prekur edhe një objekt në afërsi të objektit që po digjej, ndërkaq për shkaqe sigurie janë larguar disa automjete përreth vendit të ngjarjes. Policia në koordinim me prokurorin e shtetit ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen”.
