Prokurorja, Valbona Disha-Haxhosaj ka deklaruar se janë arrestuar gjashtë persona, gjatë aksionit të sotëm i cili është zhvilluar në Pejë për patentë shoferë.
Në një prononcim për media, Disha-Haxhosaj ka thënë se njëri nga gjashtë personat për shkak të gjendjes së rëndë shëndetësore është liruar, kurse tre të tjerë nuk janë hasur në shtëpitë e tyre, ku sipas familjareve gjenden në pushime, shkruan teve1.info
Sipas prokurores, personat të cilët janë arrestuar dyshohen se kanë kryer veprën penale “keqpërdorim i detyrës zyrtare dhe legalizim i përmbajtjes së rremë”.
Ajo ka treguar se ky aksion ka vazhduar edhe në Komunën e Deçanit, Prishtinës dhe Fushë-Kosovës.
“Prokuroria Themelore në Pejë, Departamenti për Krime të Rënda, pas hetimeve që i kemi bërë më shumë se një vit sot kemi ndërmarrë një aksion që ka të bëjë me patentë shoferë në Pejë, dhe ky aksion është zhvilluar në Komunën e Pejës, Deçanit, Fushë-Kosovës dhe Prishtinës dhe si rezultat i veprimeve hetimore janë arrestuar 6 persona, një person për shkak të gjendjes së rëndë shëndetësore është liruar dhe tre persona të tjerë nuk kanë hasur në shtëpi, sipas familjarëve të tyre kanë deklaruar se këta persona gjenden diku për pushime. Këta persona të cilët janë arrestuar dyshohen se janë arrestuar për veprën penale “keqpërdorim i detyrës zyrtare dhe legalizim i përmbajtjes së rremë”, ka deklaruar ajo.
Ndryshe, Policia e Kosovës, Drejtoria për Hetimin e Krimeve Ekonomike dhe Korrupsionit në koordinim me Prokurorin e Shtetit kanë zhvilluar një aksion kundër veprimtarisë së kundërligjshme me patent shofer. /teve1.info/
Durmishi jep detaje për aksionin në Pejë, thotë se ka zyrtarë të arrestuar
