Sipas dokumentit të siguruar nga Teve1.info, prindërit e kanë paditë BSPK-në dhe SBASHK-un për vendimin e datës 25 gusht për hyrje në grevë dhe humbjen e orëve mësimore për rreth një muaj.
Ndërsa arsyeja e dytë e padisë së këtyre prindërve ndaj sindikatave është për vendimin e pezullimit të grevës, me arsyetimin se e njëjta mund të rifilloj.
Megjithatë, të kontaktuar disa nga prindërit që gjenden në listë, nuk kanë pranuar të deklarohen për Teve1.info, ndërsa ka pas edhe të tillë që kanë thënë se nuk janë në dijeni që janë përfshirë në këtë listë.
Sindikata e Bashkuar e Arsimit e mbështetur edhe nga Bashkimi i Sindikatave të Pavarura të Kosovës, e ka filluar grevën më 25 gusht 2022 me kërkesë për rritjen e pagave për mësimdhënës prej 100 eurove deri në miratimin e ligjit të ri të pagave në Kosovë.
Edhe pas grevës rreth 4 javëshe në arsim, mësimdhënësit nuk e arritën një kërkesë të tillë dhe vendosën ta pezullojnë atë deri në janar të vitit të ardhshëm me arsyetimin e gjetjes së një zgjidhjeje brenda kësaj periudhe.
