Operatori i Sistemit, Transmisionit dhe Tregut të energjisë elektrike të Kosovës (KOSTT), ka njoftuar se si pasojë e zjarrit që ka kapluar Nënstacionin elektrik “Prishtina 3”, qytetarët që furnizohen nga kjo pikë kanë mbetur pa energji elektrike deri në sanimin e situatës e cila mund të zgjasë deri nesër.
Sipas njoftimit, ekipet e KOSTT dhe KEDS janë duke punuar pa ndërprerë në sanimin e avarisë në mënyrë që të rikthehet furnizimi me energji elektrike sa më shpejtë që është e mundur.
KOSTT ka kërkuar mirëkuptimin e qytetarëve deri në stabilizim të situatës.
“Si pasojë e avarisë të shkaktuar në nënstacionin Prishtina 3, qytetarët në Prishtinë që furnizohen nga ky nënstacion, në pamundësi të sanimit të gjendjes sot, mbeten pa furnizim me energji elektrike deri në sanimin e situatës e cila mund të zgjasë deri nesër. Ekipet e KOSTT dhe KEDS janë duke punuar pa nderprerë në sanimin e avarisë në mënyrë që të rikthehet furnizimi me energji elektrike sa më shpejtë që është e mundur”, thuhet në njoftim. /teve1.info/
