Këtë qëndrim të kësaj ministrie disa nga komunat në vend e kanë cilësuar si kërcënim.
Drejtori i Asociacionit të Komunave të Kosovës, Sazan Ibrahimi tha për Tëvë1 se komunave me këtë po u cenohet autonomia.
“Dje pas deklaratës së ministrit Hekuran Murati kisha kontakt me plotë kryetarë të Komunave dhe ata shprehën shqetësim sai përket deklaratës së ministrit Hekuran Murati që komunave të cilat nuk do i dorëzojnë listat e grevistëve të i aranzhohet një auditim i veqant, duhet theksuar që komunat përgjatë vitit auditohen nga auditori i brendshëm dhe nga zyra e auditorit kombëtar, dmth është mirë që komunave mos të iu cenohet autonomia pra që proceset të cilat ndodhin përgjatë një viti të auditohen siq janë bërë deri më tani”, tha ai.
Andaj, Ibrahimi po konsideron se vetëm dialogu mund të jap zgjidhje kësaj situate.
“Kryetarët e komunave gjatë takimit që e patëm si Asociacion i Komunave të Kosovës shprehën habi se përse dialogu në mes këtyre dy palëve të cilat janë të involvuara në këtë problem nuk po ulen dhe të dialogojnë. Pra kryetarët mendojnë se dialogu është i vetmi mekanizëm i cili mund ta zgjidh këtë çështje”, shtoi ai.
Deklarata e Ministrit të Financave erdhi të njëjtën ditë kur njoftoi se kanë dalur pagat e muajit gusht për mësimdhënësit.
Kronika e realizuar nga Lendrina Kodrolli.
