Shume qytetarë anë e mbanë Kosovës u mblodhën në Drenicë për t’i dhënë lamtumirën e fundit, Haxhi Thaçit.
Megjithatë në ceremoninë e varrimit mungoi djali i Haxhiut, Hashim Thaçi.
Ish-presidentit të Kosovës iu pamundësua pjesëmarrja nga Gjykata Speciale.
Robert Bosch tha se ishte shokuar kur e morri vesh këtë lajm. Ai e cilëson si veprim mizor që Thaçit nuk iu lejua të merrte pjesë në varrimin e babait të tij.
“Mendoj se është veprim mizor që Thaçi nuk u lejua të merr pjesë në varrimin e babait. Më pas lexova shpjegimin e Gjykatës Speciale në lidhje me këtë vendim dhe konsideroj se ishte skandaloze. Për mua është pabesueshme që Thaçi nuk u lejua në ceremoninë e varrimit të babait. Mos harroni faktin se ishte pikërisht Thaçi me kolegët e tij që e krijuan këtë gjykatë. Ata shkuan në mënyrë vullnetare në Hagë, nuk ishin të arrestuar, andaj duhet të kishte më shumë konsideratë për ta”, tha diplomati holandez.
Duke folur për gjykimin që po iu bëhet katërshes së UÇK-së në Hagë, Robert Bosch e thotë me bindje të plotë se Ushtria Çlirimtare e Kosovës nuk kishte një strukturë të organizuar.
Sipas tij ta quash UÇK-në një ndërmarrje kriminale është madje edhe qesharake.
“Të quash UÇK-në një ndërmarrje kriminale është e tepërt. Fillimisht duhet thënë se UÇK-ja nuk kishte strukturë të organizuar, ishin grupe të ndryshme. Në kohëra luftërash mund të jenë kryer edhe krime lufte, por UÇK-ja nuk kishte një strukturë të organizuar. Ta quash UÇK-në një ndërmarrje kriminale është diçka qesharake. Komuniteti ndërkombëtar po gabon rëndë për mënyrën se si e po trajton Serbinë në raport me Kosovën”, tha ai.
Organizata e Veteranëve të Ushtrisë Çlirimtare e Kosovës këtë vendim të Speciales e ka cilësuar të padrejtë, johuman dhe të papranueshëm.
Hashim Thaçi pati mundësi ta vizitoi babain e tij vetëm për tri orë sa ishte i shtrirë në QKUK.
