Sot në sallën e sportit të “Pallatit të Rinisë dhe Sporteve” në Prishtinë do të mbahet Ceremonia e diplomimit të gjeneratës së 62-të të Policisë së Kosovës.
Sipas njoftimit zyrtar, ceremonia do të nisë në ora 10:00, dhe në të pritet të marrin pjesë përfaqësues të institucioneve vendore e ndërkombëtare, eprorë të lartë të Policisë së Kosovës, si dhe familjarë të zyrtarëve policorë që do të diplomojnë.
Ky është një prej momenteve më të rëndësishme për institucionin e policisë, pasi përmes kësaj gjenerate do të zyrtarizohen dhjetëra pjesëtarë të rinj të cilët do t’i bashkohen shërbimit në mbrojtje të rendit dhe sigurisë publike në vend.
