Dinamo City e ka humbur ndeshjen e parë përballë Hajdukut të Splitit në kuadër të raundit të tretë kualifikues të Ligës së Konferencës.
Skuadra shqiptare u mposht 2:1 të enjten mbrëma në Kroaci, duke u mposhtur me përmbysje të rezultatit nga ekipi i njohur kroat.
Dinamo City pjesën e parë e mbylli me avantazh 1:0, falë eurogolit të Dejvi Bregut që e realizoi në minutën e 36-të.
Megjithatë, Hajduku u rikthye në pjesën e dytë duke shënuar dy herë për të siguruar fitoren para ndeshjes së kthimit që luhet javën e ardhshme në Shqipëri.
Bruno Durdov (49′) dhe Abdoulie Sanyang (63’) shënuan golat për fitoren e Hajdukut me përmbysje të rezultatit.
