Pajisjet brenda u dëmtuan.
E nuk shpëtuan, edhe ato që arritën t’i nxirrnin jashtë.
Janë këto pasojat që la zjarri brenda këtij objekti në Uglarë të Zubin Potokut.
E gjithë ngjarja, ndodhi në orët e para të mëngjesit të së dielës.
Tëvë1 ka provuar ta kontaktoj Peroviqin, por i njëjti nuk është përgjigjur.
Ndërsa nga Policia e Kosovës, rasti u cilësua si “Shkaktim i rrezikut të përgjithshëm”
“Njësitë policore menjëherë kanë dalë në vendin e ngjarjes, ndërsa njësitë e zjarrfikësve kanë lokalizuar dhe shuar zjarrin. Zjarri kishte përfshirë një kat te shtëpisë (lokal qe kishte shërbyer si shtyp-shkronjë me parë) ku janë shkaktuar dëme materiale. Fatmirësisht, nuk janë raportuar persona të lënduar”, thuhet nga Policia e Kosovës.
Por, Policisë së Kosovës, nuk po i beson Lista Serbe.
Këta kërkojnë përfshirjen e EULEX-it në hetime.
“Ne kërkojmë një hetim të menjëhershëm dhe të pavarur të këtij sulmi, i cili duhet të kryhet nën syrin vigjilent të organizatave ndërkombëtare, kryesisht të EULEX-it, sepse me të drejtë dyshojmë në dëshirën dhe kapacitetin e Policisë së Kosovës për të hetuar këtë rast në një mënyrë profesionale dhe të paanshme”, ka qenë reagimi nga kjo parti.
Në fund, Lista Serbe pretendon se ky sulm është i motivuar politikisht.
