Po qëndronte e parkuar gjatës mesnatës të së enjtes.
Por kësaj veture të tipit AUDI A7 me targa të Shqipërisë iu vu flaka në rrugën “C” në Prishtinë.
Lajmin për këtë e konfirmoi zëdhënësja e Policisë në Rajonin e Prishtinës, Flora Ahmeti.
Ajo tregoi për tëvë1 se përpos dëmeve materiale, nuk është lënduar asnjë person.
“Sot rreth orës 04:30, është raportuar se në rrugën “C” në Prishtinë , një veturë është përfshirë nga zjarri, e cila është dëmtuar tërësërisht. Policia menjëherë ka dalë në vendin e ngjarjes, po ashtu edhe zjarrfikësit të cilët kanë lokalizuar zjarrin”, tha zëdhënësja e Policisë së Kosovës për Rajonin e Prishtinës, Flora Ahmeti.
Derisa në vendngjarje u panë edhe zyrtarët e Policisë së Kosovës.
Televizioni ka kontaktuar edhe me banorët përreth kësaj zone.
Ata thanë prapa kamerës se nuk kanë parë momentin kur kjo veturë është përfshirë nga flakët.