Nënkryetares së Komunës së Zveçanit, Natasha Tomaniq, i është djegur një lokal në qendër të Zveçanit.
Lajmin për teve1.info, e konfirmoi Zëvendësdrejtori i Policisë për Veriun, Veton Elshani.
Njëherit, në raportin 24 orësh të Policisë, thuhet se nënkryetarja dyshon se zjarri i është vënë qëllimshëm nga persona të dyshuar.
“Zveçan 08.03.2024 – 00:45. Ankuesja femër kosovare ka informuar se persona të panjohur i kanë vënë zjarrin butikut të saj, zjarrfikësit kanë shuar zjarrin. Lidhur me rastin ankuesja dyshon se zjarri i është vënë qëllimshëm nga persona të dyshuar. Sipas ankueses, vlera e dëmit është e lartë. Rasti është duke u hetuar”, thuhet në raportin e policisë.
