Këtë e ka konfirmuar edhe zëdhënësi i policisë për rajonin e veriut, Branisllav Radoviq.
“Në rrugën pranë çerdhes së vjetër në Leposaviq, është djegur automjeti VW ngjyrë hiri, pronë e C. N. (1991) me targa të Kosovës. Në vendin e ngjarjes janë ekipet e zjarrfikësve, policisë, si dhe inspektorët, ndërsa është informuar edhe prokurori i shtetit, i cili e ka karakterizuar incidentin si ‘zjarrvënie’. Hetimet janë në zhvillim”, ka thënë ai për KP.
Ndërkaq, një ditë më parë në Leposaviq ishte djegur automjeti i një rreshteri policor.
Ndryshe, Qeveria e Kosovës u ka dhënë afat deri më 31 tetor të gjithë serbëve që jetojnë në Kosovë që targat ilegale t’i kthejnë në ato legale “RKS”.
Lidhur me këtë vendim, bashkësia ndërkombëtare ka kërkuar që i njëjti të shtyhet për 10 muaj.
Kurse, ende nuk është bërë e ditur se a do ta shtyjë Qeveria këtë vendim apo do ta implementojë atë./teve1.info/