Një banesë në Gajush të Lezhës, në rrugën e Burgut, është përfshirë nga zjarri, duke shkaktuar dëme të konsiderueshme materiale.
Në momentin e zjarrit brenda shtëpisë kanë qenë çifti i bashkëshortëve të moshuar dhe një fëmijë, të cilët janë dërguar për ndihmë mjekësore në spital, raporton topchannel.
Zjarrfikësit kanë ndërhyrë me kohë për të lokalizuar dhe shuar flakët, duke shmangur përhapjen e mëtejshme të zjarrit.
Shkaqet e zjarrit ende nuk dihen, ndërsa autoritetet kanë nisur hetimet për të zbuluar rrethanat e ngjarjes.
