Në një vend ku futbolli ka dominuar tradicionalisht nga meshkujt, Klubi i Futbollit Fushë Kosova ka bërë histori me emërimin e trajneres së parë femër në këtë sport.
Bëhet fjalë për Diellza Musa, trajneren e portierëve të skuadrës së parë, që bëhet femra e parë që punon në një klub të meshkujve.
27-vjeçarja nga Mitrovica, në një intervistë me Tëvë 1 ka folur për fillimet e saj në sportin e futbollit dhe sfidat në këtë rol të ri.
Roli i saj si trajnere, është një frymëzim për shumë vajza dhe gra, që tashmë e shohin mundësinë për të pasur një karrierë në futboll, jo vetëm si lojtare, por edhe si trajnerë.
Ky është një hap që ndihmon jo vetëm në zhvillimin e futbollit femëror, por edhe në promovimin e barazisë gjinore në sport, një hap përpara drejt një shoqërie më të barabartë.
