Fituesi i Topit të Artë të Kupës së Botës 2010, Diego Forlan do të debutojë si tenist profesionist në moshën 45-vjeçare, sipas Varsky Sports.
Forlan do të luajë në Uruguay Open, duke bashkëpunuar me Federico Coria të Argjentinës të renditur në vendin e 101-të në dyshe të turneut ATP Challenger.
Turneu fillon më 11 nëntor dhe Forlanit i është dhënë një hyrje me wild card. Ai kishte luajtur tenis si adoleshent përpara se ta linte atë për ta marrë më seriozisht futbollin.
Tifozët kanë reaguar ndaj lajmit, duke i uruar më të mirat ish-sulmuesit të Man United.
Një tifoz shkroi: “Të them të drejtën, ky ishte gjithmonë pasioni i tij. Me sa duket, ai gjithmonë e urrente futbollin, por duhej të siguronte bukën për familjen, pasi ishte shumë i mirë në të”.
Një tjetër shkroi: “Me të vërtetë i lumtur që më në fund mund të shijojë tenisin në paqe”.
Ndërsa i treti : “Diego Forlan u lodh duke përdorur këmbët e tij për të shënuar gola dhe vendosi të përdorë duart për të bërë disa shërbime në vend të kësaj”.
