Sot në Bruksel mbahet takimi i radhës mes kryenegociatorëve të Kosovës dhe Serbisë, Besnik Bislimi dhe Petar Petkoviq, me ndërmjetësimin e Bashkimit Evropian.
Ky takim do të zhvillohet në kuadër të dialogut ndërmjet dy palëve.
Njëherit, Qeveria e Kosovës ka njoftuar se në këtë takim do të trajtohet zbatimi i Marrëveshjes Bazike të 27 shkurtit, Aneksit Implementues të 18 marsit dhe plani i ri për ecjen përpara i 21 tetorit
“Ky është takimi vijues i këtij procesi pas atij të 26 tetorit me liderët e Gjermanisë, Francës, Italisë dhe BE-së, ku Republika e Kosovës theksoi qëndrimet e saj e gatishmërinë për nënshkrim dhe zbatim të të marrëveshjeve”, thuhet në njoftimin e Qeverisë së Kosovës.
Po ashtu, SHBA-ja vazhdimisht kërkon nga dy palët që të arrijnë një marrëveshje finale gjith përfshirëse ku adresohen të gjitha çështjet.
