Përfaqësuese të OJQ-ve e aktivistë të kafshëve nga qytetet e ndryshme të Kosovës ishin mbledhur sot në Komoran, për të marrë donacionet që po dhuroheshin. Këto donacione u dhuruan për të disatën herë në Kosovë. E të kënaqur me këto donacionet janë vet aktivistet e kafshëve.
Ishin mbledhur sot në Komoran.
Përfaqësues të OJQ-ve e aktivistë të kafshëve për të pranuar donacionet që po dhuroheshin.
Donacione këto që po dhuroheshin për të tretën herë me radhë nga Shoqata Anikos.
“Është donacion i mirë se ardhur për kafshët e Kosovës”, thotë Vlora Selimi aktiviste.
Madje Selimi ka një sugjerim.
“Unë e kam cekur shumë herë që na e kemi pak mentalitetin jot ë mirë domethënë sa i përket kafshëve . I kisha sugjeruar këto restauronte, bizneset pa marrë parasysh cilit i mbete ushqimi mos të e hedh në mbeturina por të lënë për kafshë diku afër ku ata rrinë”, shprehet ajo.
E vlera e donacionit të sotëm arrin shifrën 200/250 mijë euro sipas të parit të shoqatës “ Anikos” Sadri Sopi.
“Vlera ë këtij donacioni të tretë është afër 200/250 mijë euro. Deri më tani në total sillet rreth 700 mijë deri në 1 milionë euro. Këtu janë afërsisht 23 ton ushqim edhe ka tjera, sikur kafaze e batanije, lloje të ndryshme për kafshë. Më shumë ju kemi adaptua kohës së dimrit edhe gjësendeve për kohën e dimrit”, thotë Sopi.
Sopi ndër tjerash tregoi se donacionet e tilla nuk do të ndalen por se do të katërfishohen.
E për të parë ecurinë e këtyre donacioneve kishte ardhur edhe Zëvendësministër i Ministrisë së Administrimit të Pushtetit Lokal Arbër Vokrri.
“Qeveria e Kosovës për herë të parë në këtë mandate e ka përpiluar një strategji për menaxhim te populacionit të qeneve. Parashihen një sërë masash aty, gjithmonë problem kryesor lidhet me financat, pra ka rysurve të kufizuara financiare. Prandaj çdo ndihmë që vjen nga jashtë buxhetit të shtetit është më tepër së sa ë mirëseardhur dhe në këtë kontekst edhe një herë po e falënderoj shoqatën Anikos, që vetëm në pesë muaj e fundit ka sjellë ndihma prej gati një milion euro, ushqime pajisjet veterinarie”, tha Arbër Vokrri-zëvendësminister i Administrimit dhe Pushtetit Lokal.
E lumtur për këtë donacion ishte edhe nënkryetarje e Mitrovicë së Veriut .
“Jam këtu me përfaqësuesit e shoqërisë “SHAPA”, nga komunat Leposaviç, Zubin Potok, Zveçan, Mitrovica Jugore, miqtë e mi nga Mitrovica Jugore janë këtu, të gjithë kemi ardhur. Ky është një përparim i madh për rajonin verior që të jetë i përfshirë edhe në këtë aspekt”, u shpreh ajo.
Në Kosovë janë bërë disa strehimore të kafshëve si në Prishtinë, Suharekë, Mitrovicë e Veriut e të Jugut, e në Ferizaj.
