Dhjetë persona kanë humbur jetën dhe 32 kanë pësuar lëndime si pasojë e një zjarri që ka shpërthyer në një hotel 12-katëshe në qendrën e skive Kartalkaya në Bolu në Turqi.
Sipas mediave turke arsyet e zjarrit deri më tash nuk dihet.
“Sot në orën 03:27 është marrë lajmërimi se ka rënë zjarr në një hotel në vendpushimin e skive Kartalkaya dhe në zjarr kanë ndërhyrë 267 personel nga institucione dhe organizata të ndryshme publike dhe ndërhyrja vazhdon. Fatkeqësisht numri i të vdekurve është rritur, në 10 dhe numri i të lënduarve është rritur në 32. Uroj mëshirën e Zotit për qytetarët tanë dhe shërim të shpejtë për të lënduarit tanë”, tha ministri i brendshëm i Turqisë, Ali Yerlikaya.
Pas njoftimit, shumë brigada zjarrfikëse, AFAD, UMKE dhe ekipe mjekësore dhe helikopterë u dërguan në rajon nga qendra e qytetit, rrethet dhe krahinat përreth.
Ndërsa personat që qëndronin në hotel janë evakuuar për shkak të zjarrit, ekipet po vazhdojnë përpjekjet për shuarjen e zjarrit në përmasa të mëdha.
Guvernatori i Bolu-s, Abdülaziz Aydın njoftoi në transmetimin e drejtpërdrejtë të TRT Neës se, sipas gjetjeve fillestare, rreth orës 03.30 të natës ka rënë zjarri në katin e restorantit të hotelit, ku ndodheshin rreth 234 të ftuar.
