Lirika Deva e ka mbyllur në vendin e 27-të paraqitjen në disiplinën e sllallomit në Lojërat Olimpike Dimërore për të Rinj. Gara e Devës ishte edhe e fundit për skitarët e Kosovës në Lojërat Olimpike Dimërore, që po mbahen në Korenë e Jugut. Deva doli e 27-ta nga 79-të garues.
Pra la prapa vetes 51 garues. Komiteti Olimpik i Kosovës ka shkruar se pozita të cilën Deva e zuri, është më i miri ndonjëherë për Kosovën në Lojërat Olimpike Dimërore për të rinj. Lirika pati kohën 1 minutë e 50.54 sekonda nga të dyja lëshimet. Në lëshimin e dytë ishte më e shpejtë për rreth dy sekonda.
Deva garoi edhe të martën në sllallom të madh, ku u rendit e 31-ta. “Lirika mori edhe 118.95 pikë të FIS-it’, shkruan Komiteti Olimpik i Kosovës. Të enjten është dashur të paraqitet edhe Klos Vokshi. Por siç shkruan KOK-u, Vokshi nuk garoi për shkak të lëndimit të pësuar të mërkurën në garën e sllallomit të madh.
