Policia e Kosovës, ka dhënë detaje shtesë lidhur me arrestimin e së hënës të një gruaje në Pejë, e cila dyshohet se mashtroi disa persona.
Sipas raportit, e dyshuara në cilësinë e menaxheres së një OJQ-e , gjatë periudhës kohore 2022/2024 duke mashtruar persona të ndryshëm ka përfituar para në mënyrë të kundërligjshme.
Lidhur me rastin policia ka konfiskuar dëshmi gjatë kontrollimit të banesës së saj.
“Drejtoria për Hetimin e Krimeve Ekonomike me urdhër nga Gjykata Themelore, kanë kontrolluar shtëpinë dhe objektet përcjellëse të të dyshuarës femër kosovare, nën dyshimin e bazuar se e dyshuara ka kryer veprën penale ‘mashtrim’. E dyshuara gjatë periudhës kohore 2022/2024 në cilësinë e menaxheres së një OJQ-e, dyshohet se duke mashtruar persona të ndryshëm ka përfituar para në mënyrë të kundërligjshme. Policia ka kryer kontrolle ne objektet e të dyshuarës dhe ka konfiskuar dëshmi që lidhen me rastin. E dyshuara është arrestuar dhe pas intervistimit me vendim të prokurorit është dërguar në mbajtje”, thuhet në raportin e PK-së./teve1.info/
Arrestohet në Pejë një grua, dyshohet se i mashtroi disa persona duke iu premtuar sera të xhamit
