Një person ka humbur jetën si pasojë e therjes me thikë. Viktima është gjetur pa shenja jete në banesën e tij në Prishtinë.
Ndërkohë, dyshohet se i njëjti ka sulmuar me thikë gruan e tij, e cila tashmë është duke marrë trajtim mjekësor.
Siç bëhet e ditur nga Policia, fillimisht është raportuar për dy të lënduar. E në vendin e ngjarjes është konstatuar vdekja burrit 34-vjeçar.
“Rreth orës 15:00 është raportuar për dy persona të lënduar në një ndërtesë në rrugën ‘B’ në Prishtinë. Me të marrë informatën policia ka dalë në vendin e ngjarjes duke filluar menjëherë me ndërmarrjen e veprimeve hetimore me synim sqarimin e rrethanave të rastit. Në vendin e ngjarjes janë ftuar edhe mjekët emergjentë të cilët kanë konstatuar vdekjen e njërit prej personave të lënduar, mashkull, 34 vjeç, ndërsa e lënduara femër, 30 vjeçare është dërguar për tretman mjekësor. Mbështetur në të dhënat fillestare, dyshohet se personat kanë pësuar lëndime nga një mjet i mprehtë, dyshohet thikë”, thuhet në njoftimin e Policisë në Prishtinë.
Për këtë rast, gazetari i Tëvë1, Lindrit Zejnullahu i cili ka qëndruar në vendin e ngjarjes ka thënë se të lënduarës i është dhënë ndihma e parë në ordinancë.
Madje, ai ka bërë të ditur se në vendin e ngjarjes shihen hetuesit policor si dhe pjesëtarët e forezikës.
Ndërsa, e lënduara është jashtë rrezikut për jetë dhe se nuk ka lëndime serioze.
“Kemi pasur një komunikim me pronarin e kësaj ordinance i cili ka mohuar se rasti ka ndodhur pra në këtë ordinancë dhe sipas tij asaj i është dhënë vetëm ndihma e parë. Aktualisht brenda banesës shihen hetuesit policor, si dhe pjesëtarët e forezikës, poashtu edhe mjekët ligjor të cilët janë dukë bërë ekzaminimet në vendin e ngjarjes dhe që ende trupi i pajetë i viktimës pra nuk është larguar nga vendi ku ka ndodhur ngjarja, ndërkaq ne kemi mësuar se vajza e cila ka pësuar lëndime nga mjeti i mprehtë thikë është jashtë rrezikut për jetë dhe se nuk ka lëndime serioze”, ka deklaruar gazetari./teve1.info/
