Njollat e gjakut dhe pjesët e automjetit janë ende prezentë.
Në këtë park në Viti, një person i goditi me veturën e tij pesë persona.
Një nga të lënduarit është në gjendje më të rëndë shëndetësore.
Rastin, Policia e Kosovës e ka cilësuar si vrasje në tentativë, ndërkaq Tëvë1 ka mësuar se i dyshuari është dërguar për trajtim në klinikën e psikiatrisë.
“Policia e Kosovës në Viti ka pranuar një informatë se i dyshuari M.K.SH, (2004) dyshohet se me veturën e tij ‘, me tabela 06, derisa ishte duke drejtuar veturën e tij, devijon rrugën ku fillimisht godet disa karrige në park, dhe më pastaj godet pesë persona M.K.SH, të cilët kishin qenë duke qëndruar aty, me çka u shkakton lëndime trupore. Me vendim të Prokurorit të shtetit i dyshuari është i ndaluar për 48 orë , rasti është duke u hetuar nga policia e Kosovës njësitet e hetimeve rajonale në Gjilan, për momentin nuk dihen motivet e këtij rasti. Prokurori i shtetit ka urdhëruar që rasti të cilësohet “VRASJE RËNDË NË TENTATIVË”, ka thënë zëdhënësi i Policisë në Gjilan, Ismet Hashani.
Motivet e kësaj ngjarje të rëndë, sipas Hashanit akoma janë duke u hetuar.
E të gjithë të lënduarit, fillimisht u trajtuan në Qendrën e Mjekësisë Familjare të qytetit.
“Mbrëmë pas aksidentit që ka ndodhë, mjeku kujdestar më ka ftuar edhe mu në ndihmë se ka qenë një numër relativisht i madh i pacientëve pas ekzaminimit dhe trajtimit që i është bërë në emergjencë, një pacient është shtruar tek ne në repart i cili ka disa ndryshje të gjurit dhe disa gërvishte lëkurore e që gjendja e tij është stabile e mirë”, ka thënë shefi i repartit ortopedik, Abdylati Latifi.
Kurse edhe një 17 vjeçar që po trajtohet në Klinikën e ORL-së, dhe ai pritet që nesër të lirohet, pasi i është përmirësuar gjendja.
“Realisht pacientin e ka pranuar ekipe kujdestare, sot në mëngjes jemi thirr ne si ORL për një konstulltë të dytë pacienti është mirë, është mirë në gjendje të qëndrueshme kemi pranuar në repart të ORL-së për shkak të sigurisë 24/ 48 orë me përcjell gjendjen, e që gjendjen për momentin e ka stabile.Ka një lëndim në kokë si hematomë qysh e përshkruan radiolog, është jashtë rrezikut për jetë, për momentin stabil”, është shprehur tutje specialistja e ORL-së Arjeta Shaqiri Rahimi.
Për shkak të lëndimeve më të rënda, njëri nga lënduarit u soll për trajtim në Qendrën Klinike Universitare të Kosovës.
