Mëngjesin e hershëm të së enjtes Policia e Kosovës u njoftua për një person të shtrirë këtu në lagjen “Ulpiana” në Prishtinë.
Rreth orës 06:00, zyrtarët policorë së bashku me ekipe tjera dolën në vend të ngjarjes.
Policia ka nisur hetimet për vdekjen e burrit 35 vjeçar.
“Rreth orës 06:00 është marrë informata për një person (mashkull) pa shenja jete, në lagjen Ulpiana në Prishtinë . Vdekja e tij është konstatuar nga ekipi i mjekëve emergjent në vendin e ngjarjes . Policia në koordinim me prokurorinë kanë nisur hetimin e rrethanave që karakterizojnë rastin”, ka njoftuar Policia.
Në vend të ngjarjes ka dalë edhe Prokurori i rastit.
“Prokurori i shtetit ka bërë kërkesë për autorizimin që trupi i pa jetë të dërgohet në Institutin e Mjekësisë Ligjore për në obduksion. Prokurori i shtetit është në ndërmarrjen e të gjitha veprimeve dhe masave të nevojshme hetimore” është bërë e ditur nga Prokuroria Themelore në Prishtinë.
Sipas banorëve të kësaj zone në vend të ngjarjes kanë dal edhe ekipet e zjarrfikësve të cilët edhe kanë asistuar në hapjen e derës ku ka banuar viktima.
