Bordi i AKP-së ka anuluar procesin e rekrutimit për drejtor menaxhues dhe ka vendosur për rishpalljen e konkursit të ri.
Në njoftim thuhet se Bordi i Drejtorëve i Agjencisë Kosovare të Privatizimit, vendosi të anulojë këtë proces ku në rrethin e ngushtë ishin dy persona dhe vendosi ta rishpallë konkursin në mënyrë që të sjellë numër më të madh të kandidatëve që do të ndikonte në rritjen e besueshmërisë në këtë proces.
“Bordi i Drejtorëve i Agjencisë Kosovare të Privatizimit, pas shqyrtimit të Raportit përfundimtar të komisionit të pranimit për procesin e rekrutimit për pozitën e drejtorit menaxhues të Agjencisë ku në rrethin e ngushtë ishin dy kandidatë, vendosi që të anuloj procedurën e rekrutimit dhe të rishpallë konkursin për drejtor menaxhues të AKP-së. Bordi e morri këtë vendim që të rishpallë konkursin me qëllim që procesi i ardhshëm i konkursit të sjellë një numër më të madh të kandidatëve dhe të rrisë konkurrencën edhe jashtë shërbimit civil, që do të ndikonte në rritjen e besueshmërisë në këtë proces të rëndësishëm”, thuhet në njoftim.
