Ka dështuar seanca e veçantë e Kuvendit të Kosovës ku ishte paraparë miratimi i Deklaratës në mbështetje të Rezolutës së Parlamentit Evropian, e datës 19 tetor 2023, mbi zhvillimet e fundit në dialogun Serbi-Kosovë, përfshirë situatën në komunat veriore të Kosovës.
Kjo për shkak se deputetët e shumicës parlamentare, Vetëvendosje, nuk morën pjesë në seancë.
Kryetari i Kuvendit, Glauk Konjufca, bëri të ditur se hënën në Kryesi të Kuvendit do të vendoset se kur të mbahet kjo seancë.
Votimi i kësaj iniciative të AAK-së për mbështetje të Rezolutës së Parlamentit Evropian ka dështuar edhe dy herë tjera, në mungesë të kuorumit.
