Gjithashtu, Dermaku tha se gjatë vitit 2021 kanë pranuar gjithsej 35 ankesa, ndërkaq shumica nga to janë mbyllur në vitin 2022.
“Sa i përket pjesës së Mbrojtjes të dhënave personale, në vitin 2021 kemi pranuar rreth 35 ankesa, ku shumica nga to kanë kaluar në vitin 2022 për mbyllje. Në mars të këtij viti, Komisioni për Çështje të Sigurisë, e ka miratuar raportin tonë, ndërsa në korrik Komisioni për Buxhet dhe Financa ka miratuar edhe raportin e auditimit. Raporti i auditimit edhe këtë vit ka dalë pa ndonjë rekomandim. Agjencia ka 4 vendime të gjobës sa i përket moszbatimit të ligjit për qasje në dokumente publike. Ka një numër rreth 200 ankesa tani për tani që i janë drejtuar agjencisë dhe domethënë vetëm 4 kanë rezultuar me gjobë”, tha Dermaku në emisionin “Ditari” në Tëvë1.
Raporti vjetor i vitit të kaluar, sot ishte në rend dite për votim në kuvend, mirëpo për shkak të mungesës së deputetëve ka dështuar seanca.