Kryetari i Komisionit Qendror të Zgjedhjeve (KQZ), Kreshnik Radoniqi, ka bërë të ditur se sipas të dhënave preliminare nga 94 për qind e vendvotimeve, deri në orën 15:00 kanë votuar 510,525 qytetarë, që përbëjnë 25.21 për qind të votuesve me të drejtë vote (nga gjithsej 2,025,105).
Në krahasim me zgjedhjet lokale të vitit 2021, në të njëjtën kohë kishin votuar 499,828 persona, apo 26.95 për qind nga 1,885,448 qytetarë me të drejtë vote.
Sipas Radoniqit, procesi zgjedhor po zhvillohet qetë dhe pa incidente të raportuara serioze deri më tani.
