Një këmbësor është goditur për vdekje nga një automjet, të dielën në mbrëmje në fshatin Bresje të Fushë-Kosovës.
Lidhur me këtë rast Policia e Kosovës ka njoftuar se ka arrestuar dhe dërguar në mbajtje një person.
Ndërkaq, trupi i pajetë i viktimës bëhet e ditur se është dërguar në Institutin e Mjekësisë Ligjore (IML) për obduksion.
“Është arrestuar vozitësi mashkull kosovar, pasi që dyshohet se me veturë ka goditur këmbësorin mashkull kosovar, ku si pasojë viktima ka vdekur në vendin e ngjarjes. Me vendim të prokurorit, trupi i pajetë i viktimës është dërguar në IML, ndërsa i dyshuari është dërguar në mbajtje”, thuhet në raportin e PK-së./teve1.info/
