Një person është arrestuar nga Policia e Kosovës si i dyshuar për shkaktim të aksidentit në magjistralen Pejë- Prishtinë, saktësisht në Komoran, ku në person humbi jetën dhe 8 pësuan lëndime trupore.
Në këtë aksident i cili ka ndodhur të hënën ishin përfshirë gjashtë automjete.
“Si pasojë e mospërshtatjes së shpejtësisë së lëvizjes kushteve të rrugës gjashtë (6) automjete janë përfshirë në aksident trafiku në mes veti. Si pasojë e lëndimeve të marra në aksident një femër kosovare ka ndërruar jetë, si dhe si dhe lëndime trupore kanë pësuar 8 persona. Të lënduarit janë dërguar në tretman mjekësor në QKUK. Me vendim të prokurorit trupi i pajetë i viktimës është dërguar në IML për autopsi ndërsa i dyshuari m/k që dyshohet se ka shkaktuar aksidentit pas trajtimit mjekësor është arrestuar dhe dërguar në mbajtje”, thuhet nga policia.
