Është dërguar në mbajtje një punonjës i minierës së Stan Tërgut, i cili të enjten e sulmoi drejtorin e kësaj miniere, Bahri Karaça, raporton teve1.info
Sipas raportit të Policisë, pas intervistimit, me urdhër të prokurorit i dyshuari është dërguar në mbajtje derisa rasti është cilësuar si “Sulm ndaj personit zyrtar”.
“Stan Tërg 09.11.2023-11:05. Është arrestuar i dyshuari kosovar pasi që i njëjti, për motive të panjohura ka sulmuar fizikisht viktimën mashkull kosovar. Viktima ka pësuar lëndime dhe është dërguar për tretman mjekësor në spitalin rajonal, ndërsa i dyshuari pas intervistimit me urdhër të prokurorit është dërguar në mbajtje”, thuhet në njoftimin policor.
