Ujëra të zeza po derdhen në Lagjen e Doktorëve në veri të Mitrovicës.
Një gyp është i lidhur për shtëpitë e banimit që janë në Kroin e Vitakut mbi këtë lagje.
Mirëpo, derdhje të ujërave të zeza ka edhe anën tjetër të rrugës përmes një gypi tjetër në këtë rrjedhë të lumit.
Të dyja këto, po kalojnë në rrugën kryesore të Lagjes së Doktorëve, gjë që po krijon telashe tek banorët.
Andaj banorët si zgjidhje të përkohshme këtë rrjedhë të ujit shumë herë personalisht e kanë gropuar.
Rexhep Myftari, banor i këtushëm tregon se sa herë e kanë paraqitur këtë rast në institucionet lokale atje.
Mirëpo, ky nuk është problemi i vetëm për këta banorë.
Kur e kanë adresuar këtë telash, janë përballur edhe me një tjetër.
Ata ende nuk e dinë se me cilën pjesë të Mitrovicës janë ligjërisht.
Tëvë1 ka dërguar pyetje në të dyja komunat për të marrë përgjigje.
Nga Komuna e Mitrovicës në Jug, ka kontaktuar përmes drejtorit të infrastrukturës, Granit Tmava, i cili ka thënë se kjo pjesë është më veriun.
Ani pse Tmava tha që para disa viteve ka intervenuar pikërisht për këtë problem, mirëpo nuk ka kthyer përgjigje për ti shpalosur detajet tjera.
E nga Komuna Veriore, thanë se gjatë këtyre ditëve do të dalin inspektorët në këtë lagje për të parë më afër problemin.
“Dje jemi informuar për këtë problem stafi, sot ose nesër kanë mbete me dalë në terën zyrtarët me e pa problemin në këtë lagje”.
Ky vend ku mblidhen këta ujëra, afër shtëpive të banimit kundërmon shumë.
