Depuetja shqiptare në Parlamentin e Kroacië, Ermina Lekaj Prlaskaj ka thënë se deklarata e presidentit kroat, Zoran Milanoviq, se Kosva i është aneksuar Serbisë nga bashkësia ndërkombëtare, duke ngritur paralele edhe me Krimenë, është një deklaratë që nuk do t’i prishë raportet mes Kosovës dhe Kroacisë.
Sipas Lekaj Prlaskaj nuk është hera e parë që Milanoviq del me deklarata të tilla.
“Nuk e marrë parasysh këtë deklaratë të presidentit kroat, sepse ai shpesh është kontradiktor. Sepse qëndrimi i shtetit kroat është miqësor ndaj Kosovës kështu që një deklaratë e tillë nuk do t’i prishë raportet mes Kroacisë dhe Kosovës”, ka thënë ajo në Ditari në Tëvë 1.
“Duke e njoft karakterin dhe provokimin e persidentit tonë, shpesh del me deklarata të tilla kontradiktore që nuk është e para herë. Po këtë herë flitet për Kosovën dhe emocionalisht jemi më të lidhur ne shqiptarët që jetojmë në Kroaci me Kosovën dhe e shohim si një rrezik që mund t’i kanoset Kosovës”.
Megjithatë ajo thotë se me takimet që i ka zhvilluar me kryeministrin dhe kryediplomatin kroat, i është bërë e ditur se qëndrimi i Kroacisë karshi Kosovës nuk do të ndryshojë.
“Por do ta përsëris se sot isha në një takim me kryeministrin dhe Ministrin e Jashtëm të Kroacisë, kështu që politika dhe qëndrimi i Kroacisë ndaj shtetit të Kosovës është i njëjtë dhe mbështetës për rrugën e saj për hyrje në Bashkimin Evropian”.
Ajo megjithatë nuk pret që Milanoviq të kërkojë falje.
“Unë kam kërkuar që presidenti kroat të kërkojë falje, pasi nuk bëhet fjalë vetëm për raportet mes Kosovës dhe Kroacisë”.
“Nuk pres që presidenti të kërkojë falje, por unë dhe shumë deputetë tjerë ja kemi bë me dije se deklaratat e tij janë në kundërshtim me politikën dhe diplomacinë kroate”, ka shtuar ajo.
