Deputetja e Partisë Demokratike të Kosovës Ganimete Musliu, e ka kaluar me sukses operimin në zemër, për të cilin ka udhëtuar në Gjermani.
Kjo u bë e ditur të martën nga Besnik Miftaraj.
“Ndërhyrja kaloj me sukses dhe tash të uroj shërim sa më të shpejtë mikesha ime”, shkroi Besnik Miftaraj në Facebook.
Musliu ka thënë se është diganostifikuar që dy vite më një problem në zemër.
Musliu ka shkruar se do të largohet përkohësisht nga puna e saj si deputete e Kuvendit të Kosovës.
“Tani, me rekomandim të mjekëve kosovarë, më duhet t’i nënshtrohem një ndërhyrjeje kirurgjikale, e cila (për fat të keq) do të kryhet jashtë vendit, pasi që mjekëve në Kosovë, përkundër kompetencës së shkëlqyer profesionale, ende nuk u janë krijuar kushtet që ata i meritojnë”, ka shkruar Musliu.
Ajo ka falënderuar repartin e Kardiologjisë dhe Kardiokirurgjisë në QKUK, Spitalin Amerikan që janë kujdes për të dhe të gjithë ata të cilët janë lutur dhe i kanë uruar gjithë të mirat.
“Gjatë gjithë kohës jam trajtuar në Kosovë dhe dua të falënderoj të gjithë mjekët që punojnë në reaprtin e Kardiologjisë dhe Kardiokirurgjisë në QKUK dhe në Spitalin Amerikan që u kujdesën për mua. E falënderoja po ashtu çdo institucion dhe çdo individ që ishte pranë meje dhe më ofroi mbështetje”, ka shkruar ajo./teve1.info/
Musliu: U diagnostikova me një problem në zemër, më duhet të tërhiqem përkohësisht nga puna