Deputetja e Partisë Demokratike të Kosovës, Ariana Musliu-Shoshi, ka thënë se kryeministri i vendit, Albin Kurti nuk është duke e mbrojtur interesin e Kosovës, e s’ka aq miq.
Musliu –Shoshi në Facebook madje tha se kryeministri Kurti po i frikësohet opozitës, e kjo sipas saj, dëshmohet me faktin se Kurti nuk po raporton në Kuvend.
“Se Albini i frikësohet opozitës fol vetëfakti që nuk po raporton në Kuvend. Klauzolat e nenet nuk i interesojnë askujtë, mandatin e ke me i mbrojtë interesat e vendit dhe mos me hup miq.As nuk je duke e mbrojtë interesin dhe as miq tanimë nuk ke”, tha ajo.
Ndryshe, sot kryeministri Kurti ka deklaruar para mediave se shkuarja në zgjedhje të jashtëzakonshme parlamentare nuk do t’i konvenonte as Qeverisë, e as opozitës. Kjo sepse sipas tij, do të linte Qeverinë pa opozitë./teve1.info./
