Deputetët e Britanisë së Madhe kanë mbajtur debat për situatën në veri të Kosovës.
Në këtë debat foli edhe deputetja e kryetarja e Komitetit për Politikë të Jashtme në Parlamentin e Britanisë, Alicia Kearns.
Ajo duke folur për mundësinë e zgjedhjeve të reja tha se të gjithë e kanë pranuar rezultatit dhe dalja e vogël në zgjedhje ishte shkak i ndërhyrjes nga jashtë.
“Dua të vendosi në kontekst se Kosova nuk është Serbi, por më herët këtë vit, Beogradi ka orkestruar bojkot të zgjedhjeve demokratike të mbajtura në komunat veriore të Kosovës. Rezultatin e atyre zgjedhjeve e kemi njohur në Perëndim e tash po kërkojmë sërish zgjedhje, dolën vetëm 3 për qind. Por ishte faji i ndërhyrjes nga jashtë, dhe duket se shpesh nuk përmendet kjo”, ka thënë ajo.
Duke folur për reagimin e ndërkombëtarëve ajo tha se është gabuar që SHBA DHE BE kritikuan Kosovën, ndërsa nuk pati kritikë ndaj “milicisë fashiste”.
“Është e gabuar që SHBA-ja e BE-ja vendosën të kritikonin Kosovën, e nuk pati kritika ndaj milicias së armatosur”, ka thënë Kearns.
“Ne kemi nevojë për një qasje më të ekuilibruar, ku të theksojmë faktorët destabilizues dhe diplomacinë kuptimplotë të ushtrimeve parandaluese”, ka shkruar ajo në Twitter.
Today I secured an Urgent Question in the House of Commons on the situation in Kosovo.
We need a more balanced approach, where we call out destabilising factors and meaningful exercise deterrence diplomacy.https://t.co/4yb2ePQnR1
— Alicia Kearns MP (@aliciakearns) June 5, 2023
Ndërsa, deputeti laburist, David Lammy ka thënë se situata në Kosovë është a pasigurt.
Ai ka kritikuar mos-vizitat në Kosovë të zyrtarëve të lartë britanik.
Lammy ka thënë se mbretëria e bashkuar duhet të fillojë të tregoj lidership në dialogun Kosovë-Serbi
“Situata në Kosovë është jashtëzakonisht e pasigurt. Pavarësisht rolit tonë historik, asnjë Sekretar i Jashtëm i Mbretërisë së Bashkuar nuk e ka vizituar Kosovën që nga viti 2016. Mbretëria e Bashkuar duhet të fillojë të tregojë lidership, të fokusuar në de-përshkallëzimin dhe rivendosjen e dialogut konstruktiv ndërmjet Prishtinës dhe Beogradit”, është shprehur ai.
Ndërsa, për këtë debat dhe fjalimin e Kearns, ka reaguar edhe ambasadori i Kosovës në Britaninë e Madhe , Ilir Kapiti.
Ai ka thënë se ishte një diskutim i rëndësishëm./teve1.info/
Important discussion in the House today as @AliciaKearns_MP poses an urgent question on the situation in #Kosovo 🇽🇰. Grateful to Speaker of the House for granting the session and to all MPs for their insightful questions. #UKParliament #ForeignAffairs" pic.twitter.com/KDghDuDYKH
— Ilir Kapiti (@IlirKapiti) June 5, 2023
