Deputetja e LDK-së, Hykmete Bajrami, tha se VV ka ardhur në pushtet duke thënë Hajnat në burg, derisa sipas saj tani që i kanë të gjitha pushtetet po i lënë hajnat e lirë, raporton teve1.info
Përmes një statusi në Facebook, Bajrami ka thënë se mbrojtësit e Martin Berishajt e Nagip Krasniqit po i akuzojnë ish pushtetet për korrupsion.
Bajrami po ashtu ka thënë se VV është e mbështjellur në korrupsion, derisa e ka akuzuar qeverisjen Kurti se ka dështuar në veri si dhe e ka kthyer perëndimin kundër Kosovës e në përkrahje të Serbisë.
“Ju na thoni neve që jemi me Serbinë!
Neve që kemi familjarë të vrarë, në vija të frontit! Neve që i takojmë partisë që e ndërkombëtarizoj çështjen e Kosovës, që bashkë me miq e aleatë e bëmë Kosovën shtet.
Neve që pa kalkulu në vota kemi ecë përpara, sa herë e ka kërku ky vend, që ju sot po e shkatërroni!
Kujt po i thoni hajna Ju?
Ju mbrojtësit e Martin Berishajt e Nagip Krasniqit?!
Ju Qeveria e tenderëve njëburimorë?!
Ju jeni të mbështjellur në korrupsion.
Ju keni ardhë me premtimin ”HAJNAT NË BURG”, nëse ju po e dini kush është hajn pse po i leni të lirë???
A nuk i keni të gjitha nivelet e pushtetit?
Ju jeni dështakë, praktikantë e të dëmshëm. Ju jeni fatkeqësia e këtij vendi”, ka shkruar ndër të tjera Bajrami.
Reagimi i saj vjen pas publikimit të një video-incizimi nga VV, ku i akuzon partitë opozitare për mbështetje të Serbisë dhe siç thuhet në video, punë pas shpine kundër Kosovës dhe qytetarëve të saj.
