Në një intervistë për emisionin “Info Nata” në Tëvë 1, deputeti thotë se këtë çështje është munduar ta bëjë realitet me çdo qeveri.
Madje, ai u shpreh optimist se Ukraina do të ndryshojë mendim lidhur me njohjen e Kosovës sa më parë, duke theksuar se Serbia nuk ka qenë asnjëherë miqësore.
“Fatkeqësisht, këtë çështje unë jam munduar ta bëj realitet me çdo qeveri këtu. Serbia nuk ka qenë miqësore me ne, jo vetëm në këtë kohë por edhe kur ishim të lirë. Ata tentojnë ta luajnë lojën e njëjtë me Rusinë. Shpresoj që autoritet qeveritare këtu në Ukrainë të binden aq sa unë për njohjen e Kosovës”, tha ai.
Kurse, i pyetur se a po bën mjaftueshëm bashkësia ndërkombëtare ndaj agresionit rus në Ukrainë, Yurash e përmendi rastin e Kosovës ku theksoi se reaguan me forcë ndaj gejnocidit serb dhe në fund u krijua një bazë e NATO-s që garantonte sigurinë e shtetit.
Sipas tij, në bashkësia ndërkombëtare në Ukrainë po reagon mirë, por që shtoi se presin më shumë në këtë drejtim në mënyrë që kjo luftë të ndalet.
“E shikoj shembullin e Kosovës, e shoh çmendurinë që e kaploi vendin tuaj nga qeveria serbe dhe e shoh që krejt ajo u ndalua nga bashkësia ndërkombëtare, duke i treguar qeverisë serbe që kjo nuk do të tolerohet dhe reaguan me forcë përballë asaj çmendurie serbe dhe në fund të luftës ju e kishit një bazë të NATO-s që e garantonte sigurinë e një shteti të ri. Në Ukrainë, bashkësia ndërkombëtare po reagon mirë dhe për këtë i falënderojmë por presim shumë më shumë që kjo çmenduri të ndalet”, deklaroi ai./teve1.info/
